ភ្នំពេញ៖ ព្រះមហាក្សត្រកម្ពុជា សម្ដេចព្រះបរមនាថ នរោត្តម សីហមុនី បានត្រាស់បង្គាប់ប្រគល់ឋាន្តរស័ក្កិ នាយទាហាន ថ្នាក់ឧត្តមសេនីយ៍ជាស្រ្តី២រូបដែលបម្រើការនៅក្រសួងការពារជាតិ។
ក្នុងព្រះរាជក្រឹត្យត្រាស់បង្គាប់ចុះថ្ងៃទី១២ ខែមេសា ឆ្នាំ២០២៣ សម្ដេចព្រះបរមនាថ នរោត្តម សីហមុនី បានត្រាស់បង្គាប់ប្រគល់ឋានន្តរស័ក្កិ ដល់រដ្ឋលេខាធិការក្រសួងការពារជាតិលោកស្រី ដាំ ដារីនី ជានាយឧត្តមសេនីយ៍ (ផ្កាយ៤) និងអនុរដ្ឋលេខាធិការក្រសូងការពារជាតិ លោកស្រី ម៉ាលី សុជាតា ជាឧត្តមសេនីយ៍ឯក (ផ្កាយ៣)។
ការត្រាស់បង្គាប់តែងតាំងនេះដោយព្រះមហាក្សត្រទ្រង់យល់សេចក្ដីបង្ក្រាបបង្គមថ្វាយរបស់សម្ដេចតេជោ ហ៊ុន សែន។
ជាមួយគ្នានេះសម្ដេចតេជោ បានសរសេរនៅលើតេឡេក្រាមរបស់សម្ដេចថាការតម្លើងឋារន្តរស័ក្កិដល់លោកស្រី ដាំ ដារីនី និងលោកស្រី ម៉ាលី សុជាតា គឺក្នុងគោលដៅរក្សាបម្រើវិស័យការពារជាតិរយៈពេលវែងដែលចាំបាច់ត្រូវរៀបចំជានាយទាហានអាជីពតែម្តង៕
ព័ត៌មានជាច្រើនទៀតសម្រាប់អ្នក
